Carta aberta a un político galego

Vai só unhas horas que quitei esta foto. É na parroquia de Sabuguido, no concello de Vilariño de Conso, e está sacada dende os restos doutro incendio nunha prantación de piñeiros baixando a Pradocabalos. Ardeu monte baixo, nun día de forte vento con múltiples focos, e tiveron que empregarse 7 helis e 4 camións. Pagados por todos. Entre subvencións e lumes, saen caras de carallo esas putas ovellas.

Feitas as introduccións e xa postos en situación, paso sin máis dilación ó corpo da carta.

Diríxome a ti, político. Político de esquerdas, porque ós de dereitas xa saben que nunca van ter o meu voto. Ti, que non perdes oportunidade en lembrarnos o moi comprometido que estás coa natureza. Castrón de merda, que empregas o medio natural para facerche o traxe de progre; ti, bandullo con pernas, porco noxento, que confundes ecoloxía con xardinería. Levamos dende que comezou Xaneiro con lumes no sistema central. Non son sucesos illados, é un problema estructural que, polo tanto, só ten unha solución política: desactivar os intereses confluentes que existen en que o monte arda tódolos anos. E que é o que propós, saco de merda? Máis medios, máis coordinación e máis prevención. Porque os lumes se apagan en inverno, verdade, porcallán? A mesma merda que diría a dereita se estivera no teu posto, e non vai estar porque sodes tan inútiles que mesmo a cleptocracia do PP semella mellor oferta ca vosa.

Seica son poucos, sete helicópteros. E o monte arde porque hai árbores, que dicía o parvo do gringo, pero é que nesas serras vai séculos que xa non quedan árbores. Así que, que queredes quitar? Se quitades o monte baixo, só quedan as pedras. Exactamente, o que persiguen aqueles que prenderon eses focos. Mudan os adobíos, pero conservades a mesma mentalidade de sambesuga co medio natural que os vosos pais.

Logo virán reptando os xornalistas do réxime a explicarnos que a culpa é da pertinaz sequía e das altas temperaturas. En Marzo, con xeadas e cando vai menos dunha semana estivo arroiando ata que a terra botaba a auga fora. E se son da Sexta, engadirán que é o cambio climático. Faran coa realidade una camisa perfecta para que saias ben na foto. Pero ós que vivides do conto sempre se vos olvida un pequeno detalle: quen provocou o lume? Iso non, non é relevante. Como vai un xornalista, un político, a cal máis besta, adicar o seu valioso tempo a dar resposta a esa pregunta? Maís motobombas, máis helicópteros, máis cuadrillas rozando o monte. Como non sae do voso peto, ladróns…

E cando xa non queda outra que falar da autoría, porque xa non hai xeito de iñorar o elefante na habitación, artellades desculpas fantasiosas, terrorismo, mafias, xente mala… todo por non pronunciar o que todos sabemos: son a xente das aldeas, esa mesma xente que os refugallos humáns da TVG amosan como esforzados veciños loitando contra as chamas. E estou seguro que sodes tan parvos para creer as mesmas mentiras que fabricades, a vosa cobardía intelectual chega a tanto e máis.

E todo. Para que? Por non molestar ó voto rural, porque para sentar as vosas nádegas de porco no sitial precisades do sobrerrepresentado voto das aldeas. Procurades, devecedes polos votos dos mesmos que provocan os lumes e o seu medio, e esa é a verdadeira razón pola que calades e desviades a atención. Por iso nunca van rematar os lumes, porque para arranxar un problema o primeiro é identificar as causas. E vós, fillos de puta, cagóns de merda, non tedes coraxe para tomar a palabra e coller o touro polos cornos. Porque no manual do perfecto politicastro, lección número un, está escrito con letra grosa: agradar a todo o mundo e non molestar a ninguén. Así se gañan eleccións… e se perde a dignidade. Bo negocio, debes pensar, moinante.

Vouche dar un bo consello, porque es tan babeco que nin sabes ler unha enquisa sociométrica. A ti, político de esquerdas, non che vai votar ningún deses palurdos das aldeas que queiman o monte para ter pastos; para rozar sen esforzo para afastar a natureza, que detestan, do limiar da súa casa; para ter traballo nas cuadrillas de inútiles que montan os concellos cos lambecús do alcalde. Non é tan difícil de entender. Non che van votar fagas o que fagas, ou mellor dito, por moito que deixes de facer. Nunca. Endexamáis. Ti tes que buscar o voto dos palurdos das vilas, e perdes o tempo procurando non alporizar ós que cheiran a esterco. Porque o final, con tanto procurar lamberlle o cú a todo o mundo, nin chee votan uns, pero deixan de votarche os outros. E quedas como estabas, pero sen honra. Porque ti, pedazo de bosta, es unha peza necesaria para que a economía do lume se perpetúe. O teu silencio, a túa complacencia, os teus esforzos por atopar novas fórmulas de falar de lumes sen sinalar ós responsables, son cómplices. E mentres ti e os teus compañeiros subhumanos da dereita sigades nas institucións, esta terra seguirá ardendo tódolos anos. Cousa que, ben sabemos, impórtavos tres carallos. Como ó resto da sociedade que vos vota.

Chegan novas eleccións, e non penso ofrecervos a coartada para que sigades enchendo a andorga a costa miña. Ofrecedes o mesmo prato de frasca que a dereita, máis unha xerra de hipocresía.

+
+
+
+
+
+
+
+
+
+
+
+